Zëvendësprokurori komunal Slavko Pranjiq ka folur pas hetimeve të para rreth aksidentit tragjik në Kroaci të autobusit të linjës Frankfurt-Kroaci.
“Sipas fakteve të vërtetuara deri më tani, bëhet fjalë për një autobus që ka dal jashtë rrugës. Autobusi udhëtonte nga Frankfurti për në Prishtinë. Drejtuesi i autobusit u kap në vendin e ngjarjes, ndërkohë u arrestua, po ndërmerren veprime të tjera provuese për fillimin e procedimit penal”, tha fillimisht ai, shkruan Dnevnik.hr.
“Shoferi u arrestua nën dyshimin për drejtimin e automjetit në mënyrën jo të duhur, ai nuk e përdori shiritin e trafikut, duke u aksidentuar. Cilat janë arsyet për këtë, nuk mund të themi tani”, tha Pranjiq, transmeton Telegrafi.
“Ai deklaroi se e zuri gjumi për një moment, por këtë do ta vërtetojmë më vonë”, shtoi Pranjiq.
Ministri kroat i Shëndetësisë, Vili Berosh ka deklaurar se në spitalin rajonal të Slavonski Brod janë pranuar rreth 45 të lënduar, ku 15 prej tyre janë në gjendje të rëndë.
Ndryshe, ministri kosovar i Punëve të Brendshme, Xhelal Sveçla ka udhëtuar drejt Kroacisë. /Telegrafi/