Presidenti ukrainas i cili po qëndron në Londër, është takuar me kryeministrin britanik Rishi Sunak.
Ai pritet të takohet edhe me mbretin Charles, si dhe do të mbajë një fjalim në Parlamentin britanik, transmeton Telegrafi.
Para pak çastesh është parë duke u futur në Downing Street, përkatësisht në zyrën e kryeministrit britanik që e shoqëronte derisa shumë gazetarë e prisnin me padurim shfaqjen e tij.
Në anën tjetër, është bërë e ditur se Zelensky nga Britania e Madhe pritet të vazhdojë rrugëtimin e tij për në Bruksel, por deri më tani nga zyra e presidentit ukrainas akoma nuk është konfirmuar asgjë.
Footage of the meeting between President #Zelenskyy and #British Prime Minister Rishi #Sunak. pic.twitter.com/YRqOetYIFR
— NEXTA (@nexta_tv) February 8, 2023
Madje ekspertët e sigurisë thonë se kjo po mbahet e fshehtë për arsye të sigurisë dhe se nesër ai do të jetë në Bruksel.
“Britania ishte një ndër vendet e para që i dolën në ndihmë Ukrainë. Sot jam në Londër për ta falënderuar personalisht popullin britanik dhe kryeministrin Rishi Sunak”, ka shkruar Zelensky në Telegram. /Telegrafi/
