Presidenti i Ukrainës, Volodymyr Zelensky thotë se ka folur me Presidenten e Komisionit Evropian, Ursula von der Leyen për planin e paqes të Ukrainës.
Ai gjithashtu ka biseduar rreth garancive të sigurisë që i duhen ukrainasve përpara se të bashkohet me aleancën ushtarake të NATO-s.
Në Twitter, udhëheqësi ukrainas shkroi se “si pjesë e pjesëmarrjes sime në Samitin e Komunitetit Politik Evropian, u takova me Presidenten e Komisionit Evropian Ursula von der Leyen”.
As part of my participation in the European Political Community Summit, I met with President of the European Commission 🇪🇺 @vonderleyen. We discussed specific ways to implement the Ukrainian Peace Formula and consolidate global support for Ukraine's peace initiative. We also…
— Volodymyr Zelenskyy / Володимир Зеленський (@ZelenskyyUa) June 1, 2023
“Ne diskutuam mënyra specifike për të zbatuar Formulën e Paqes të Ukrainës dhe për të konsoliduar mbështetjen globale për iniciativën e paqes të Ukrainës. U ndalëm edhe në temën e garancive të sigurisë që vendi ynë kërkon të marrë përpara se të bëhet anëtar i plotë i NATO-s”, pohoi ai.
Përveç kësaj, theksova nevojën për heqjen e pakushtëzuar të kufizimeve të eksportit për produktet bujqësore, përfundoi lideri ukrainas.
Ndryshe, Zelensky po merr pjesë në samitin e Komunitetin Politik Evropian, ku është takuar edhe me presidenten e Kosovës, Vjosa Osmani. /Telegrafi/