Sulmuesi italian, Simone Zaza do të largohet nga Liga Premier vetëm pas gjashtë muajve qëndrim.
Anëtari i skuadrës angleze West Ham United nuk ka arritur të ambientohet me futbollin anglez.
Por mediat italiane kanë zbuluar se huazimi i tij nga Juventusi në West Ham do të ndërpritet në muajin janar.
Zaza nuk pritet të mbetet në Juventus, pasi për të interesim ka shfaqur gjiganti spanjoll Valencia.
Trajneri italian Cesare Prandelli ka shprehur simpatinë e tij për Zazan dhe dëshiron transferimin e tij në ‘Mestalla’.
‘Lakuriqët’ do të tentojnë ta bindin Juventusin me ofertë rreth 20 milionë euro. /Telegrafi/