Pas një fillimi të shkëlqyer të jetës në Inter, Mehdi Taremi ka pësuar një dëmtim muskulor dhe pritet të mungojë në fillimin e sezonit 2024/25 në Serie A.
Sulmuesi 32-vjeçar iranian nënshkroi zyrtarisht për Nerazzurrët muajin e kaluar pasi u largua nga Porto si transferim i lirë dhe ai ka impresionuar menjëherë në përgatitjet e tyre para-sezonale, duke shënuar pesë gola në tre miqësore.
Duke nënshkruar një kontratë trevjeçare, Taremi pritet të luajë një rol rezervë për sulmuesit fillestarë të Interit, Lautaro Martinez dhe Marcus Thuram. Sezonin e kaluar, ai shënoi 11 gola dhe dha shtatë asistime në 35 paraqitje në total.
Interi konfirmoi se Taremi pësoi një tendosje muskulore në kofshën e majtë, një dëmtim që do ta mbajë jashtë fushës për rreth 10-15 ditë.
Le condizioni di Mehdi Taremi #ForzaInter
— Inter ⭐⭐ (@Inter) August 1, 2024
Ndeshja e parë e klubit në sezonin e ri të Serie A fillon kundër Genoas më 17 gusht dhe ai tani pritet të humbasë ndeshjen.
Shpresa është që sulmuesi 32-vjeçar të jetë mjaftueshëm në formë për të marrë pjesë në ndeshjen e dytë të sezonit kundër Lecces më 24 gusht. /Telegrafi/