Mbrojtësi i RC Lens, William Bianda, ka arritur në Itali, ku të enjten do t’iu nënshtrohet testeve mjekësore te Roma.
Talenti 18-vjeçar do të transferohet te Giallorossët për pesë milionë euro.
William Bianda 🇫🇷 🛬 🇮🇹 pic.twitter.com/eG6eLiVMs0
— AS Roma (@OfficialASRoma) June 27, 2018
Futbollisti është pritur në aeroportin e kryeqytetit italian dhe ka pozuar me shallin e Romës për fotografët.
Mëngjesin e të enjtes, në klinikën Villa Stuart, ai do t’u nënshtrohet ekzaminimeve mjekësore.
Bianda rrjedh nga Akademia e Lensit dhe ka pasur sukses me ekipet e të rinjve, ndërsa ka luajtur edhe për Francën U-18.
Në Trigoria, atë e pret kontrata pesëvjeçare që do ta nënshkruajë, pasi t’i kalojë testet mjekësore.
Roma vazhdon të jetë mjaft aktive gjatë këtij afati kalimtar. /Telegrafi/