Drejtuesit e klubit të Ligës Premier, West Ham United e kanë shkarkuar trajnerin spanjoll Julen Lopetegui.
Sipas komunikatës së West Ham, ata ishin të pakënaqur me rezultatet e klubit.
“Gjysma e parë e sezonit nuk ishte në përputhje me ambiciet e klubit dhe për këtë arsye klubi ka marrë masa në përputhje me qëllimet”.
“Bordi do të donte të falënderonte Julen dhe stafin e tij për punën e tyre të palodhur gjatë kohës së tyre me Hammers dhe u uron atyre çdo sukses në të ardhmen”, shkruhet në komunikatë.
West Ham United can confirm that Head Coach Julen Lopetegui has today left the Club.
— West Ham United (@WestHam) January 8, 2025
Eksperti spanjoll mori “Çekanët” në fillim të këtij sezoni dhe në 22 ndeshje nën drejtimin e tij, skuadra regjistroi 7 fitore, 5 barazime dhe 10 humbje.
Lopategui gjatë karrierës së tij ka drejtuar edhe Wolverhampton, Sevilla, Real Madid, Porto, Rayo Vallecano.
West Ham aktualisht ndodhet në vendin e 14-të me 23 pikë, shtatë më shumë se zona e rënies.
Ish-trajneri i Chelsea dhe Brighton & Hove Albion, Graham Potter është kandidati më i madh për të marrë drejtimin e klubit. /Telegrafi/