Vjen bomba e parë e Gashit nga Amerika (Video)
14/04/2016
Shkëlzen Gashi gjen golin e parë me Colorado Rapids, një gol me vlerën e tri pikëve për skuadrën e tij që mposhti Kansas Cityn me rezultat 2-1.
Sulmuesi i Kombëtares e nisi sërish ndeshjen në formacion, ndërkohë që skuadra e tij e mbylli pjesën e parë në avantazhin e një goli.
Në pjesën e dytë vendasit e Kansas arritën të barazonin rezultatin, por në minutën e 82-të është Gashi ai që shënon golin e fitores.
Një goditje nga distanca e njërit prej shokëve të tij të ekipit përplaset në tranversë e kthehet mbrapsht duke gjetur sulmuesin shqiptar që godet fort e shënon golin e parë amerikan.