Ylli i Napolit, Scott McTominay shënoi në vetëm 26 sekonda gjatë përballjes së skuadrës së tij në Serie A kundër Como.
Reprezentuesi skocez ka impresionuar shumë në futbollin italian që kur arriti në një marrëveshje të përhershme nga Manchester United në verë.
Ai iu bashkua klubit për një shumë prej 30.5 milionë eurosh të raportuara, duke i dhënë fund një periudhe disa vjeçare me United që datonte kur ai ishte vetëm pesë vjeç.
Ai ka shënuar ose asistuar gola në secilën nga dy ndeshjet e tij të fundit për skuadrën e Antonio Contes.
Dhe McTominay tani ka golin e tij të parë në Serie A për klubin e tij të ri – dhe ai arriti në mënyrë të shpejtë.
Aktualisht rezultati i ndeshjes është 2-1, pasi fillimisht Gabriel Strefezza i Comos shënoi në minutën e 43-të për 1-1, ndërsa Romelu Lukaku (53′) e ktheu epërsinë e Napolit në 2-1 nga penalltia. /Telegrafi/