Aktori i mirënjohur, Vedat Bajrami, është i njohur në zhanrin komedi pasi numëron një sërë rolesh të tilla. Edhe në këto kohë izolimi, përmes videove dhe serialeve të prodhuara kohë më parë, ai po i argëton të gjithë ndjekësit e tij.
Në rrjetin social Instagram, komiku është shfaqur në rolin e ‘Fukës’ dhe shihet se është duke ndjekur mësimin nga largësia përmes televizionit (që ka filluar nga kjo e hënë).
Teksa mësuesja po shpjegonte orën mësimore që ka të bëjë me stinën e pranverës, në mënyrë karizmatike ai tregonte se nuk po sheh as zogj e as diell por vetëm borë.
Ndërkohë, ai thekson se në këtë kohë të pandemisë coronavirus është e pamundur që të mësojë diçka, e po ashtu po i duket se është duke dëgjuar lajmet.
Shakatë e tij lidhur me mësimin online vazhdojnë edhe më tej. Në një fotografi të publikuar aktori shkruan se pas këtij mësimi do të jenë më produktiv në ‘Programin për vlerësimin ndërkombëtar të nxënësve’, të njohur si PISA. /Telegrafi/