Trupat e Regjimentit të Këmbësorisë së Veriut në Ushtrinë e Shqipërisë po marrin pjesë në në stërvitjen shumëkombëshe “EFES 24”, që po zhvillohet në Turqi.
Ministri i Mbrojtjes, Niko Peleshi u shpreh sot se ata po stërviten me kolegët e tyre nga 36 vende të botës.
Peleshi thekson se efektivët po demonstrojnë dhe rrisin aftësitë e tyre në hyrjen në zonën e kundërshtarit nëpërmjet detit, zbarkimin në breg dhe avancimin taktik në tokë.
“Trupat e Regjimentit të Këmbësorisë së Veriut po stërviten në stërvitjen shumëkombëshe “EFES 24″, që po zhvillohet në Turqi. Efektivët po demonstrojnë dhe rrisin aftësitë e tyre në hyrjen në zonën e kundërshtarit nëpërmjet detit, zbarkimin në breg dhe avancimin taktik në tokë”, shkroi Peleshi në rrjetet sociale. /Telegrafi/
