Klubi zviceran Lugano, ka pësuar humbje me rezultat 4-3 ndaj gjigantit turk Fenerbahce në kuadër të raundit të dytë kualifikues të Ligës së Kampionëve.
Edin Dezko shënoi het-trik për mysafirët, ndërsa një gol tjetër e shënoi sensacioni i Euro 2024, Ferdi Kadioglu.
Tek Lugano golat në këtë takim u shënuan nga Ayman El Wafi, Milton Valenzuela dhe ylli shqiptar Uran Bislimi që e la të shtangur portierin Livakovic.
Po zhvillohej minuta e 64-të e takimit kur Bislimi pranon një top të mirë brenda zonës dhe realizon një super gol.
Goal: Uran Bislimi | FC Lugano 2-2 Fenerbahçepic.twitter.com/kilWYNEM7m
— PushGoals (@PushGoals) July 23, 2024
Goditja ishte aq e fuqishme dhe precize, sa që portieri kroat Livakovic gjithçka që mund të bënte ishte ta largonte topin nga rrjeta.
Goli i Bislimit barazoi rezultatin në 2-2, por zviceranët nuk ia dolën që të evitojnë humbjen ndaj ekipit të Jose Mourinhos.
24-vjeçari ka shënuar gol edhe në ndeshjen hapëse të sezonit të ri në elitën e futbollit zviceran pasi këtë e bëri në fitoren 2-1 ndaj Grasshoppersit.
Ndeshja e kthimit mes këtyre dy ekipeve do të zhvillohet saktësisht një javë më vonë në Turqi me fillim nga ora 19:00./Telegrafi/
