Me datë 20 mars 2024, Universiteti “Fehmi Agani” ka bërë të ditur se do të mbajë një ligjëratë në lidhje me edukimin mediatik.
Përmes këtij njoftimi Universiteti “Fehmi Agani” ka bërë të ditur se në këtë ligjëratë, studentët do të njoftohen në lidhje me dallimin në mes të lajmeve të rrejshme dhe propagandës, si ndikojnë dezinformatat në shoqëri dhe vendimarrjen tonë dhe cilat janë mënyrat më të mira për tu mbrojtur nga manipulimi mediatik.
Kjo ligjëratë do të zhvillohet në bashkëpunim me Këndin Amerikan në Prizren, e cila është një qendër kulturore dhe edukative e mbështetur nga Ambasada e Shteteve të Bashkuara në Kosovë, dhe shërben si një hapësirë për të rinjtë, studentët dhe qytetarët që janë të interesuar të mësojnë më shumë rreth kulturës, historisë dhe vlerave të SHBA-së, si dhe për të zhvilluar aftësitë e tyre përmes aktiviteteve edukative dhe trajnimeve. /Telegrafi/