Ukraina siguroi lirimin e 106 ushtarëve të kapur në një shkëmbim të burgosurish me Rusinë të enjten.
Kështu ka thënë shefi i shtabit të presidentit Volodymyr Zelenskiy, shkruajnë mediat e huaja, përcjell Telegrafi.
Ushtarët, përfshirë tetë oficerë, u kapën duke luftuar në qytetin e shkatërruar lindor të Bakhmut që Rusia thotë se e ka pushtuar, por ku forcat e Kievit thonë se kanë ende një pikëmbështetje të vogël.
“Secili prej tyre është një hero i shtetit tonë. Shumë nga ata që po kthehen nga robëria konsideroheshin të zhdukur. Familjarët e këtyre njerëzve kanë kaluar një kohë të vështirë”, tha zyrtari i lartë, Andriy Yermak.
Nuk kishte asnjë informacion të menjëhershëm për atë nëse Rusia mori ndonjë gjë nga Ukraina në këmbim.
Ndryshe, Rusia nisi një pushtim të plotë të fqinjit të saj në shkurt 2022. /Telegrafi/