Forca ajrore ukrainase u kanë kërkuar sot aleatëve perëndimorë që të shqyrtojnë mundësinë e dërgimit të 24 aeroplanëve luftarakë për kauzën e saj – në atë që do të ishte paketa e parë ushtarake e këtij lloji.
Javën e kaluar, shumë shtete konfirmuan se do të dërgojnë tanke të betejës në shtetin ukrainas, duke përfshirë SHBA-në dhe Gjermaninë, transmeton Telegrafi.
Tani, Yurii Ihnat ka thënë se Ukraina po synon të sigurojë dy skuadrilje luftarake, ku secila do të kishte nga 12 aeroplanë luftarakë.
Zëdhënësi i qeverisë ukrainase shtoi në një intervistë për El Pais se shpreson t’i jepen aeroplanë F-16 amerikanë, por edhe Rafale franceze dhe Gripen suedez, raporton skynews.
SHBA deri më tani ka refuzuar të furnizojë Ukrainën me aeroplanë luftarakë F-16, ose të lejojë transferimin e tyre nga vendet e palëve të treta.
Ndryshe, vendet perëndimore kanë shprehur gatishmërinë që të dërgojnë 321 tanke të rënda në Ukrainë, e cila po përballet me pushtuesin rus që nga 24 shkurti. /Telegrafi/
