Udhëheqësi demokrat i Senatit, Chuck Schumer dhe homologu i tij në Dhomën e Përfaqësuesve, lideri i pakicës Hakeem Jeffries, kanë mbështetur zyrtarisht Kamala Harrisin.
Schumer thotë se Partia Demokratike dhe SHBA janë “të mbushur me emocione”.
“Kam parë një rritje të entuziazmit nga çdo pjesë e pjesës sonë për zëvendëspresidenten Kamala Harris”, tha ai në një konferencë shtypi.
Kamala Harris do ta mposht Donald Trumpin dhe do të bëhet presidente e ardhshme e SHBA-së.
Jeffries thotë se zonja Harris është “gati” dhe “e gatshme”, shkruan skynews.
“Ajo është në gjendje të drejtojë me energji dhe prerazi Amerikën drejt së ardhmes”, thotë ai dhe shton se “Kamala Harris është një udhëheqëse e arsyeshme që di të japë rezultate reale për taksapaguesit amerikanë që punojnë shumë”,
“Ne do të mbajmë Senatin. Ne do të fitojmë Dhomën. Ne do të zgjedhim Kamala Harris si presidenten tonë të ardhshme në muajin nëntor”, përfundoi Jeffries.
Ndryshe, presidenti aktual amerikan, Joe Biden ka hequr dorë prej kandidimit për president në zgjedhjet e muajit nëntor, ku kundër kandidat tek republikanët është ish-presidenti amerikan, Donald Trump. /Telegrafi/