Riccardo Calafiori është larguar nga grumbullimi me Italinë pasi pësoi një lëndim në ndeshjen ndaj Gjermanisë në Ligën e Kombeve të enjten.
Mbrojtësi i djathtë i Arsenalit do të rikthehet në Londër dhe do të humbasë ndeshjen e dytë të fazës çerekfinale, pasi pësoi një lëndim në gju në humbjen që pësuan me rezultat 2-1 në ‘San Siro’.
Teksa Calafiori pritet t’i nënshtrohet disa testeve në Londër për të zbuluar shkallën e lëndimit.
Gianluca Di Marzio raporton se ai mund të mungojë deri në tri javë. Kjo do ta vendoste atë në rrezik për sfidën ndaj Real Madridit në Ligën e Kampionëve më 8 prill.
#Italia | #Calafiori lascia il ritiro: farà rientro e verrà rivalutato dallo staff medico dell’#Arsenal https://t.co/ZQ3aHjPJ0z
— Gianluca Di Marzio (@DiMarzio) March 21, 2025
Lëndimet e kanë penguar Calafiorin disa herë këtë sezon, duke bërë që ai të luajë në vetëm 26 ndeshje në të gjitha garat, ku 16 prej tyre erdhën nga minuta e parë.
Calafiori do të shpresojë se lëndimi nuk është aq i rëndë sa u mendua fillimisht, me Arsenalin që do të përballet me Fulhamin, Evertonin dhe Real Madridin në javët në vazhdim.
22-vjeçari u transferua tek ‘Topçinjtë’ në korrik të vitit të kaluar nga Bologna për 45 milionë euro./Telegrafi/