Ish-presidentit amerikan, Donald Trump pritet t’i ngritet aktakuza nën dyshimin se ka blerë heshtjen e një ylli pornografik pak para zgjedhjeve presidenciale të vitit 2016.
Detajet e akuzave me të cilat do të përballet ende nuk janë bërë të ditura, raporton BBC, përcjell Telegrafi.
Një juri e madhe votoi për ta akuzuar atë për vepër penale, pasi hetoi një pagesë prej 130 mijë dollarë që dyshohet se e ka bërë Trump ndaj Stormy Daniels, yllit pornografik, në një përpjekje për të blerë heshtjen e saj për një aferë të dyshuar.
Trump, presidenti i parë amerikan që do të përballet me akuza, mohon rastin.
Ai po hetohet edhe për disa raste të tjera.
Prokurori i Qarkut të Manhatanit, Alvin Bragg – i cili ka ndjekur çështjen – pritet të informojë Trumpin dhe avokatët e tij për aktakuzën së shpejti.
Trump, i cili jeton në Florida, do t’i kërkohet të paraqitet në New York për arrestimin e tij zyrtar dhe seancën e parë në gjykatë. Ai përballet me mundësinë e regjistrimit të gjurmëve të gishtërinjve dhe marrjes së një fotografie, si të gjithë të pandehurit në çështjet penale. /Telegrafi/