Sot është zyrtarizuar marrëveshja për tri fluturime direkte nga Prishtina për në Spanjë (Ibiza, Palma De Mallorca dhe Barcelona)
Këto fluturime do të fillojnë javën e parë të muajit maj dhe vazhdojnë deri në përfundim të sezonit veror, në Shtator 2023.
Me rastin e nënshkrimit të marrëveshjes, drejtori ekzekutiv i Iberia, Javier Sanchez-Prieto shprehet i lumtur që pas shumë negociatave dhe bisedimeve virtuale është arritur kjo marrëveshje shumë e rëndësishme, e posaçërisht arritja që në këto negociata të përfshihet edhe ministri i Punëve të Jashtme të Spanjës.
Jose Manuel Albares Bueno i cili potencon që është shumë i lumtur që më në fund kosovaret do të udhëtojnë lirshëm në Spanjë pa pasur nevojë që të fshihen me automjete dhe të udhëtojnë nga Franca, thotë se kjo është një ditë e madhe për dy shtetet tona dhe besojmë që në të ardhmen te kemi edhe më shumë fluturime.
Edon Abdullahu nga Max Travel shton tutje se “çdo të martë do të kemi fluturim direkt për Palma de Mallorca. Çdo të Premte është Ibiza dhe çdo të diel është Barcelona dhe duke mos mbetur me kaq për të gjithë ata që udhëtojnë në Barcelonë do të kenë mundësi të vizitojnë falas stadiumin Camp Nou dhe në rast se gjatë qëndrimit ka edhe lojë do të kenë bileta falas te sponsorizuara nga Iberia”.
Këto tri fluturime janë të parat ndonjëherë që realizohen nga Prishtina për në Spanjë dhe qëllimi i përbashkët me Iberia është që vitet në vazhdim te kemi fluturime ditore për destinacionet
spanjolle.
E për të gjithë adhuruesit e Real Madridit lajmi bëhet më i mirë vitin tjetër kur në shkurt fillojnë fluturimet direkte për në Madrid.
Me nderime
Max Travel dhe Iberia
Urime 1 Prilli, kjo ditë që na bën të ndihemi pak më të lumtur. (Kjo shaka është bërë nga kompania Max Travel).
