Talibanët kanë sulmuar me raketa aeroportin ndërkombëtar të Kandaharit në jug të Afganistanit, ku të paktën tri raketa goditën objektin, ka bërë të ditur sot zëdhënësi i talibanëve, duke theksuar se qëllimi ishte që t’ua bëjë me dije forcave afgane që të ndalin sulmet ajrore.
“Aeroportin në Kandahar e kemi gjuajtur, pasi që armiqtë e përdorin si qendër nga ku kryhen sulme ajrore mbi ne”, ka shtuar zëdhënësi i talibanëve, Zabuilah Mudzahiq, transmeton Telegrafi.
Siç raporton Reuters, zyrtarët e qeverisë afgane, kanë njoftuar se sulmet me raketa kanë detyruar autoritetet përkatëse të ndalin të gjitha fluturimet – kjo edhe pasi që pista është dëmtuar pjesërisht.
Deri më tani nuk ka ndonjë raportim për të lënduarit nga ky sulm me raketa mbi aeroportin e Kandaharit. /Telegrafi/
