Interi po kërkon të largojë disa lojtarë të tyre, duke përfshirë Alexis Sanchez, Edin Dzeko dhe Denzel Dumfries në një përpjekje për të rikuperuar fondet për të forcuar ekipin.
Shefi ekzekutiv Beppe Marotta është i prirur të stabilizojë llogaritë financiare të klubit pas vështirësive në disa negociata transferimi këtë verë.
Paga e madhe e lidhur me huazimin e Lukakut ka ngrirë buxhetin e pagave të Interit dhe ka detyruar klubin të humbasë objektivat e transferimit si Gleison Bremer dhe Paulo Dybala, të cilët u transferuan respektivisht te Juventus dhe Roma.
Interi u ka konfirmuar lojtarëve si Nicolo Barella, Alessandro Bastoni, Marcelo Brozovic, Hakan Calhanoglu dhe Lautaro Martinez se e ardhmja e tyre do të mbetet në San Siro sezonin e ardhshëm.
Paris Saint-Germain ka flirtuar me një lëvizje për Milan Skriniar, por pavendosmëria e tyre i ka ngecur negociatat.
Nëse sllovaku vendos të qëndrojë në klub, Interi pritet t’i ofrojë qendërmbrojtësit një rritje të pagës prej 20 për qind për ta motivuar atë të qëndrojë. /Telegrafi/