Trajneri i Al-Hilal, Jorge Jesus, ka pranuar se është i interesuar për sulmuesin e Liverpool, Mohamed Salah.
Pa kontratë në qershor, superylli egjiptian është një objektiv i klubeve të mëdha të Superligës së Arabisë Saudite.
Jorge Jesus, trajneri i Al-Hilal, tani është i hapur për të mirëpritur Salah – por jo deri në verë.
“Mo Salah apo lojtarë të tjerë të mëdhenj nuk do të bashkohen këtë dimër, por ndoshta për sezonin e ardhshëm”, ka thënë Jesus.
Al-Hilal dëshiron të nënshkruajë me Salah si zëvendësues për Neymar Jr, kontrata e të cilit skadon në verë.
Ylli brazilian mund të largohet nga klubi saudit që në fillim të këtij muaji.
Disa klube të MLS, përfshirë Chicago Fire, po e ndjekin 32-vjeçarin për një transferim këtë dimër. /Telegrafi/