Tottenham Hotspur dhe Manchester United kanë luajtur baraz në derbin e javës së 30-të në Ligën Premier.
Dy skuadrat e mëdha angleze kanë barazuar 1-1, rezultat që më shumë i konvenon Djajve të Kuq.
Steven Bergwijn kaloi vendasit në epërsi në pjesën e parë, teksa mesfushori Bruno Fernandes barazoi gjithçka në minutën e 81-të nga penalltia.
Pikërisht dy shënuesit e kësaj sfide Bergwijn (7,7) dhe Fernandes (7,8) ishin lojtarët me notat më të larta në këtë takim.
Tek vendasit me lojë të mirë u dalluan edhe Heung-Min Son, Erik Lamela dhe portieri Hugo Lloris.
Në anën tjetër te Djajtë e Kuq me paraqitje të mirë u dalluan edhe Harry Maguire, Luke Shaw, McTominay dhe Paul Pogba. /Telegrafi/
