Ndërsa mijëra protestues janë mbledhur në shumë nga kryeqytetet e Evropës, presidenti francez Emmanuel Macron, ka kërkuar që të ndërpritet furnizimi me armë i Izraelit.
“Unë mendoj se sot, prioriteti është që ne të kthehemi te një zgjidhje politike, që të ndalojmë dorëzimin e armëve për të luftuar në Gaza”, tha Macron, shkruan euronews.
Ndërsa Macron fliste, mijëra protestues po mblidheshin në qendër të Parisit për të kërkuar përfundimin e luftës në Gaza.
Bëhet e ditur se protesta kanë shpërthyer edhe në Romë, Bruksel, Athinë dhe Londër.
The front of the march has reached Whitehall. The rear is still in Kingsway.
It is always difficult to accurately estimate turnout given the spread out nature of the crowd but it appears to be greater than other recent protests. pic.twitter.com/LAAnThEO1k
— Metropolitan Police (@metpoliceuk) October 5, 2024
Në Londër, janë bërë gjithsej pesë arrestime pasi mijëra protestues pro-palestinezë u mblodhën në qendër të qytetit.
Nuk është e qartë se sa njerëz i ishin bashkuar protestës, por policia tha: “Është gjithmonë e vështirë të vlerësohet me saktësi pjesëmarrja duke pasur parasysh natyrën e përhapur të turmës, por duket se është më e madhe se protestat e tjera”. /Telegrafi/
