Thibaut Courtois i bashkohet trendit të gjuajtjes së fansave me torte

Thibaut Courtois prodhoi një shfaqje të papritur teksa doli në festivalin më të madh të Belgjikës.

Portieri kaloi pjesën më të madhe të sezonit të kaluar duke u rikuperuar nga një dëmtim i ligamenteve.

Ai u kthye në kohë për të ndihmuar Real Madridin të fitojë Ligën e Kampionëve, duke u paraqitur në fitoren finale ndaj Borussia Dortmundit.

Gardiani 32 vjeçar kaloi kohë në Ibiza në fillim të këtij muaji, ku bashkëlojtari i tij në Belgjikë - Leandro Trossard ishte gjithashtu aty.

Ai iu bashkua DJ Steve Aoki në skenë në Ibiza dhe e bëri këtë edhe një herë gjatë fundjavës në Tomorrowland në Belgjikë.

Aoki është i njohur për hedhjen e tortës në turmë gjatë seteve të tij, dhe Courtois pati nderin të bënte pikërisht këtë në dy paraqitjet e tij në skenë përkrah DJ-së.

Pas paraqitjes së Courtois në Ibiza, Aoki ndau një video të tij duke hedhur tortë në turmë në TikTok. /Telegrafi/