Luis Suarez vazhdon të bëhet gjithnjë e më i pëlqyer ndër tifozët e Atletico Madridit me golat vendimtar që është duke i shënuar.
Sulmuesi uruguaian realizoi golin e fitores në triumfin prej 2-1 në udhëtim te Deportivo Alaves, duke vënë kështu një rekord të ri për fillimin më të mirë në shekullin 21.
Suarez u konsiderua tepricë nga trajneri i Barcelonës, Ronald Koeman, gjatë verës së kaluar, ashtu që u transferua te Los Rojiblancos.
Dhe porsa nënshkroi me klubin rival të La Ligas, ai menjëherë filloi të bëjë emër edhe me fanellën e re.
11- Luis Suárez has been involved in 11 goals in his opening 12 games for @atletienglish in #LaLiga (nine goals & two assists), the best starting for a Atlético's player in this century, surpassing Radamel Falcao in 2011 (9+1). Quality#AlavesAtleti #AlavesAtleti pic.twitter.com/Lt94Pmle7u
— OptaJose (@OptaJose) January 3, 2021
Goli i të dielës ndaj Alavesit ishte i nënti për të këtë sezon në kampionatin spanjoll duke qëndruar kështu në krye të listës së golashënuesve, së bashku me Gerard Moreno (Villarreal) dhe Iago Aspas (Celta Vigo).
Duke ia shtuar edhe dy asistime, ai e ka tejkaluar rekordin e Radamel Falcaos për fillimin më të mirë të një lojtari për Atleticon në këtë shekull. /Telegrafi/
