Një Universitet në Adelaide të Australisë, ka prodhuar robotin që do të përdoret për skanim 3D të shpellave në Naracoorte.
Fjala është për robotin që ngjan me një merimangë, e detyra e tij do të jetë hulumtimi dhe të kryerja e skanimeve 3D të shpellave në parkun nacional që janë nën mbrojtjen e UNESCO-s, transmeton Telegrafi.
Roboti është rezultat i punës së një grupi studentësh që në kuadër të projektit CaveX ka prezantuar 15 versione të ndryshme të robotit, dhe në fund vendosën për njërin.
Vendosën për robotin që i ka gjashtë këmbë, derisa dizajni me rrotë është hedhur poshtë për shkak të rrezikut të dëmtimit të shpellës.
Gjithashtu, është përzgjedhur dizajni që është i përshtatshëm për terrene jo të rrafshëta. E hulumtuesit shpresojnë që me skanimin 3D të shpellave do të vijnë deri të zbulimet e reja.
“Duam të analizojmë sipërfaqen e shpellës dhe të gjejmë hyrje të reja që do të na çonin deri te depozitat fosile”, tha studenti Craig Williams. /Telegrafi/
