Reperët shqiptarë, Arkimed Lushaj – Stresi dhe Kleviol Ahmeti – Cllevio, ruajnë një miqësi prej shumë vitesh.
Dyshja e njohur në Shqipëri janë më shumë se 20 vite shokë, përkundër disa reagimeve e shkrimeve që janë bërë në rrjete sociale, pas sherrit të bujshëm të Cllevios me reperin tjetër të njohur, Noizyn.
Stresi ka qenë i ftuar së fundmi në “Prive”, ku ka folur për jetën, karrierën, raportin me Noizyn e krejt në fund edhe për Cllevion.
“Ai është një djalë shumë i mirë. Ka një familje të mrekullueshme, nuk e keni idenë çfarë familje ka ai djalë. Djali ka nevojë për mbështetjen tonë gjithmonë. Për sa i përket këtyre budalliqeve që ndodhin janë gjëra të momentit. Ngjarje që duhet t’i lëmë pas krahëve se kemi një shoqëri prej 20 viteve. Unë e dua fort, e përshëndes atje ku është dhe i them më qetë”, ka thënë artisti.
“Ai është një talent, i duhet që të ec para me muzikën dhe jo të merret me live-t. Mos harro, kush kemi qenë”, vazhdoi më tej 36-vjeçari.
I pyetur nëse është munduar që t’i qetësojë gjakrat ndërmjet Noizyt e Cllevios, Stresi nuk ka munguar me një përgjigje.
“Çdo gjë që po e bën është duke e bërë gabim, por janë gabime që i falen çdokujt, çdo shokut se kemi një njohje prej 20 viteve, nuk janë pak. Mesazhi im për të është të jetë me këmbë në tokë, të gjithë kemi bërë gabime por kemi qenë në një moshë më të vogël jo tani”, shton ai.
“Kemi ndikuar maksimalisht, jo vetëm unë por shumë artista. Është e pamundur që të zgjedhim këtë temë, është e pamundur. Mendoj se koha shëron çdo gjë dhe e ka vërtetuar se koha mbyll çdo plagë”, përfundon krijuesi i hitit “A t’ka marr malli”. /Telegrafi/
