Shqipëria dhe Mbretëria e Bashkuar kanë një lidhje të fortë bashkëpunimi dhe partneriteti në fushën e mbrojtjes.
Ministri shqiptar i Mbrojtjes Niko Peleshi ndau sot në rrjetet sociale momente nga stërvitja e përbashkët “Strong Eagle”, e cila sipas tij, mundëson forcimin e lidhjeve profesionale.
Peleshi theksoi se suksesi i stërvitjes “Strong Eagle” është dëshmi e rëndësishme drejt bashkëpunimit të mëtejshëm mes dy vendeve tona.
“Për Regjimentin e Operacioneve Speciale, kjo stërvitje është një mundësi për të forcuar lidhjet profesionale dhe aftësimin operacional me trupat e Brigadës Speciale britanike”, u shpreh Peleshi. /Telegrafi/
