Janë zhvilluar ndeshjet e radhës në elitën e basketbollit amerikan NBA.
Padyshim që dueli më interesant është zhvilluar në Crypto Arena të Los Angelesit, ku Clippers janë përballur me Sacramento Kings.
Ka qenë një ndeshje spektakolare ku vetëm pas dy parë vazhdimeve është vendosur fituesi me Kings që kanë triumfuar me rezultat të ngushtë 175:176.
Në fakt kjo është ndeshja e dytë me më së shumti pikë të shënuara në histori të NBA, pasi e para mbetet ajo mes Pistons dhe Nuggets ku në vitin 1983 u shënuan 370 pikë.
Malik Monk me 45 pikë, dy kërcime e gjashtë asistime ishte basketbollisti më efikas te Kings, derisa lojë fantastike bëri edhe DeAron Fox që shtoi 42 pikë të tjera, pesë kërcime e 12 asistime.
Te vendasit më efikasi ishte Kawhi Leonard me 44 pikë, derisa Paul George shtoi 34 të tjera, por që nuk mjaftuan për fitore. /Telegrafi/
