Pas një sërë vonesash për shkak të motit të keq, Polaris Dawn më në fund ka lansuar raketën në hapësirë.
Kapsula Crew Dragon e SpaceX – që mbante katër astronautë joprofesionistë – u nis nga Qendra Hapësinore Kennedy në Florida.
Ekipi me katër persona do të fluturojë deri në 870 milje larg nga Toka mbi një raketë Falcon 9, transmeton Telegrafi.
Ky do të jetë udhwtimi më i largët nga Toka që çdo njeri ka udhëtuar që nga misionet e hënës Apollo, dhe do të transportojë ekuipazhin në brezin radioaktiv të Tokës, Van Allen.
Misioni pesëditor synon të kryejë shëtitjen e parë në hapësirë nga qytetarët privatë – pra ata që nuk punojnë për agjencitë kombëtare të hapësirës si NASA.
SpaceX konfirmoi nisjen e suksesshme në X (Twitter) me një foto mahnitëse dhe mbishkrimin: ‘Ngritja e Polaris Dawn’!
Polaris Dawn është një mision astronaut privat ‘i pari i këtij lloji’ në hapësirë me katër inxhinierë dhe pilotë amerikanë – Jared Isaacman, Scott Poteet, Sarah Gillis dhe Anna Menon. /Telegrafi/
