Përzgjëdhi Spanjës, Luis de la Fuente, ka njoftuar para finales së sotme të Kampionatit Evropian kundër Anglisë se mesfushori i Barcelonës, Gavi do të jetë së bashku me ekipin.
Ai zbuloi se mesfushori sot do të kalojë gjithë ditën me bashkëlojtarët e kombëtares, që është një shenjë e vogël mirënjohjeje për gjithçka që i ka ofruar kombëtares spanjolle.
“Gavi do të jetë me ne, ai vjen këtu dhe do të kalojë gjithë ditën me ne, nuk do të jemi 26 në finale, ai është lojtari numër 27. E falënderojmë për gjithçka që ka bërë për Spanjën”.
“Gjithashtu faleminderit Pedrit dhe Ayoze Perez të cilët janë të lënduar. Ata lanë angazhimet e tyre personale për të qenë këtu, por fatkeqësisht nuk do të mund të luajnë për ndeshjen e sotme”, ka thënë De La Fuente.
🗣️ Luis de la Fuente: “Quiero dar las gracias tanto a @Pedri como a @AyozePG por su trabajo e implicación en esta Eurocopa. Mañana no podrán estar por lesión en la final”.
➡️ “Gavi también estará mañana con nosotros, será nuestro jugador número 27”.#VamosEspaña | #EURO2024 pic.twitter.com/BWMRHJ9Emc
— Selección Española Masculina de Fútbol (@SEFutbol) July 13, 2024
Meqë ra fjala, Gavi u lëndua rëndë, për këtë arsye humbi paraqitjet në Gjermani, ku Spanja arriti në finalen e parë të Euros pas 12 vitesh kur ishte kampione e Evropës.
Në stadiumin Olimpik të Berlinit sonte nga ora 21:00 luhet ndeshja finale mes Spanjës dhe Anglisë. /Telegrafi/