Aktorja Sophie Turner përfundimisht ka treguar të vërtetën rreth gabimeve të vërejtura së fundmi në serinë e famshme, “Game Of Thrones”.
Këto komente, ajo i ka bërë gjatë pjesëmarrjes në emisionin The Tonight Show me Jimmy Fallon.
24-vjeçarja pranoi se ajo nuk ishte përgjegjëse për gotën e Starbucks në njërën nga episodet e “Game Of Thrones”, e cila shkaktoi kritika nga shikuesit duke thënë se seria më e re e filmit nuk ishte punuar me kujdes.
“Shikoni, sa i përket gotës duket se ishte Emilia Clarke”, ka thënë Turner.
Paraqitja publike e Sophie në emision ka ardhur pasi ajo është martuar me këngëtarin Joe Jonas në një ceremoni të papritur në Las Vegas.
