Trent Alexander-Arnold ka qenë në top formë për Liverpoolin dhe Anglinë deri më tani këtë sezon.
Por thashethemet në rritje se ai mund të jetë një objektiv për Real Madridin kanë ngritur pikëpyetje për të ardhmen e tij tek Liverpooli.
Trajneri Arne Slot sidoqoftë duket se nuk është i shqetësuar, pasi ai ka besim tek profesionalizmi i reprezentuesit anglez, teksa ata po përgatiten për duelin ndaj Chelseat të dielën.
Slot ka përgënjeshtruar sugjerimet se Alexander-Arnold mund të jetë i hutuar nga thashethemet që e lidhin atë me një kalim tek Real Madridi.
“Këta lojtarë janë mësuar që të lidhen me top klube në baza ditore. Nëse kanë kontrata ose jo. Nëse mendoni se ata janë të hutuar nga këto lajme, atëherë mendoj se ju nuk keni gjykuar se sa të fortë janë ata mentalisht në atë që bëjnë. Kjo është pjesë e punës tonë”.
“Isha tek Feyenoordi vitin e kaluar dhe ata më kanë lidhur mua me shumë klube. Kjo është pjesë e botës në të cilën po jetojmë”.
“Ju duhet të fokusoheni në atë që duhet të bëni. Ndoshta nëse jeni 17 ose 18-vjeçar, kjo mund të jetë e vështirë për ju, por Trent e ka fituar ligën, e ka fituar Ligën e Kampionëve”, ka thënë Slot.
Kujtojmë se së bashku me Alexander-Arnold, edhe dyshja Mo Salah dhe Virgil Van Dijk janë në muajt e tyre të fundit të kontratave tek Liverpooli./Telegrafi/