Milingonat janë insekte të vogla irrituese. Ato bëjnë kërdi në çdo dhomë të shtëpisë në kërkim të kafshatave dhe pijeve të shijshme.
Nëse jeni duke bërë piknik jashtë, kjo mund të mos ju shqetësojë aq shumë, por nëse keni një numër të milingonave në shtëpinë tuaj, do të doni t’i hiqni qafe ato sa më shpejt të jetë e mundur.
Ekzistojnë një numër metodash për eliminimin e milingonave dhe kolonive të tyre nga shtëpia juaj, shkruan Healthline.
Secila nga këto janë alternativa natyrore që nuk do të ndotin ajrin me kimikate ose toksina.
Provoni një nga katër ilaçet shtëpiake për kontrollin e milingonave të përmendura më poshtë:
Sapun duarsh
Sapuni i duarve mund të jetë i mjaftueshëm për të hequr qafe milingonat. Aroma e feromoneve të milingonave nxirret duke përdorur ujë me sapun të çdo lloji. Përdoreni atë për të eleminuar kolonitë e milingonave në pikat e hyrjes në shtëpinë tuaj. Milingonat nuk mund të ndërveprojnë me njëra-tjetrën nëse nuk kanë shtigje feromonike për të lundruar.
Limonët
Shtrydhni një limon ose vendosni lëvore limoni në pikat e hyrjes së milingonave. Ju gjithashtu mund të përdorni ujë me pak lëng limoni të shtuar në të për të pastruar dyshemetë. Meqenëse milingonat e urrejnë aromën e lëngut të limonit, do të qëndrojnë larg. Çdo gjë e thartë ose e hidhur mund të zmbraps milingonat.
Uji i vluar
Hidhni ujë të valë në çdo vrimë milingonash që gjeni afër shtëpisë tuaj. Shumë nga milingonat brenda do të vriteshin në mënyrë efektive dhe të shpejtë si rezultat i kësaj. Ndërsa kodrat e milingonave priren të jenë të vogla, kolonitë e milingonave poshtë tyre janë të mëdha. Vetëm uji i vluar nuk do të ishte i mjaftueshëm për të fshirë të gjithë koloninë. Si rezultat, sigurohuni që të trajtoni vrimat e milingonave që hasni pranë shtëpisë tuaj.
Uthull e bardhë
Era e uthullës së bardhë është e neveritshme për milingonat. Përzieni pjesë të barabarta uji dhe uthull të bardhë në një tretësirë. Shkundni mirë pasi keni shtuar disa pika vaj esencial. Kjo tretësirë duhet të ruhet dhe të spërkatet në pikat ku bashkohen milingonat. Kjo duhet të bëhet një herë në ditë. Përsëri, kjo qasje mund të mos vrasë milingonat, por sigurisht do t’i mbajë ato larg. /Telegrafi/
