Shumë qytetarë janë mbledhur në Sheshin e Qytetit në Pejë për të protestuar kundër ratifikimit të Demarkacionit me Malin e Zi.
Protesta e ashtuquajtur gjithë popullore ka filluar në orën 12:00 dhe organizatorët kanë kritikuar qeverinë e vendit dhe komisionin shtetëror të Demarkacionit.
Qytetarët kanë bartur pankarta në duar duke kërkuar mosratifikm të Demarkacionit dhe marrëveshje të re me Malin e Zi për kufirin, njofton Klan Kosova.
Ata kanë kërkuar që të bëhet edhe njëherë procesi i Demarkacionit dhe ai tash e tutje të jetë shumë më transparent.
Në Pejë është parë edhe kryetari i Lëvizjes Vetëvendosje, Visar Ymeri.
