Nga: Roger Waters (teksti i këngës “Shine on You Crazy Diamond”, pjesët I-IX, grupi Pink Floyd, albumi “Wish You Were Here”, viti 1975)
Përktheu: Agron Shala
A e mban mend kur ishe i ri
Si dielli rrezoje ti
Shndrit, ti diamant i krisur
Tash shikimin e syve e ke ti
Si vrimat e zeza në gjithësi
Shndrit, ti diamant i krisur
Ishe zënë mes zjarreve
Të fëmijërisë e të famës
I fërfëlluar nga puhiza e akullt
Eja, ti shënjestër e qeshjeve të largëta
Eja, ti i huaj
Ti legjendë, ti martir, dhe shndrit
Të fshehtat herët i mësove
Hënën ta arrije kërkove
Shndrit, ti diamant i krisur
Nga hijet e natës i kërcënuar
Në dritë dite i nënshtruar
Shndrit, ti diamant i krisur
E nxite largimin tënd
Pa asnjë kuptim
Kalërove në puhizën e akullt
Eja, ti i çmendur
Ti parashikues i përfytyrimeve
Eja, ti piktor
Ti fyelltar, ti i burgosur, dhe shndrit
Se ku je askush s’e di
Sa afër e sa larg je ti
Shndrit, ti diamant i krisur
Palo më shume shtresa të çmendurisë
Se do të jem aty me ty
Shndrit, ti diamant i krisur
Do të ngrohemi me hijen e fitores së djeshme
Do të lundrojmë në puhinë e akullt
Eja ti djalosh
Ti fitues e humbës
Eja ti gërmues i të vërtetës e i mashtrimit
Dhe, shndrit
