Bashkimi kombëtar do të ishte ideal për Kosovën dhe Shqipërinë. I këtij mendimi është Princi i Shqipërisë Leka i Dytë që në një intervistë për gazetën “Dielli” ka propozuar se bashkimi mes dy shteteve nën një monarki do të sillte gjëra pozitive për dy vendet.
Princi thekson se që kur familja mbretërore u kthye nga jeta e tyre në mërgim, detyra e tyre ishte të hiqnin barrierat midis shqiptarëve dhe të promovonin unifikimin e pakicave shqiptare në Ballkan.
Përveç kësaj, bashkimi i ri që Princi propozon duhet të ketë një monark.
Princi i Kurorës i thotë gazetës se një Shqipëri e Madhe, e vendosur si monarki kushtetuese, do të sigurojë stabilitet më të madh politik sesa sistemi aktual politik.
Princi përdor Mbretërinë e Bashkuar dhe monarkitë e tjera të Europës Perëndimore si shembuj të asaj që Shqipëria mund të arrijë në të ardhmen si një monarki kushtetuese e orientuar nga Perëndimi.
Në pyetjen nëse Princi Leka është i gatshëm të bëhet mbret i një Kosove të bashkuar dhe Shqipërisë, Princi u përgjigj: “Familja mbretërore gjithmonë do të respektojë vullnetin e popullit. Të jesh një princ apo mbret është e bukur. Të jesh në gjendje të shërbej vendit tim nuk shihet nga unë si një punë, por nderi më i madh”.
Bashkimi i Shqipërisë dhe Kosovës është një ide politike, e ringjallur që kur Kosova shpalli pavarësinë në vitin 2008.
Kosova është kryesisht shqiptare dhe me Republikën e Shqipërisë, ndan disa sektorë të përbashkët administrativë, siç janë arsimi dhe politika e jashtme.
Kultura, trashëgimia dhe tregtia janë bashkuar në masë të madhe midis të dyjave, të cilat gjithashtu kanë një kufi të hapur. Princi Leka është i vetmi fëmijë i Lekës së Parë, Princit të Shqipërisë.
Më 30 nëntor 2011, ai u shpall Princ i Republikës së Shqipërisë pas vdekjes së babait të tij.
Princi Leka ka qenë një zyrtar në Ministrinë e Brendshme të Shqipërisë dhe në të kaluarën ka shërbyer si këshilltar në Ministrinë e Punëve të Jashtme dhe Presidencën Shqiptare.