Legjenda e Barcelonës, Gerard Pique pas fitores bindëse të skuadrës së tij ndaj Real Madridit (5-2), në finalen e Superkupës së Spanjës, ka ngacmuar legjendën e rivalëve, Iker Casillas.
Pique dhe Casillas ishin në Torino, ku u luajt finalja e Kings League dhe ish-asi i Barçës iu afrua pas ndeshjes portierit legjendar të Los Blancos dhe e përshëndeti me një “pesë-she”.
Casillas e pranoi shakanë e ish-lojtarit të Barcelonës me sportivitet dhe sens humori, e përkëdheli në fytyrë dhe e regjistroi këtë moment me celularin e tij.
Buenas noches a todos 🤚 pic.twitter.com/ZcMVVzGIrv
— Kings League InfoJobs Spain (@KingsLeague) January 12, 2025
Gerard Pique filloi serinë e njohur si ‘Manita’, kur shënohen pesë gola. Kjo ndodhi në vitin 2010 pasi Barcelona e Pep Guardiolës mundi Real Madridin me rezultat 5-0, ku trajner në anën tjetër ishte Jose Mourinho dhe përsëriti gjestin në vitin 2018 me fitoren 5-1 të Barcelonës ndaj Real Madridit.
Kjo ishte tashmë “manita” e tij e tretë dhe kjo lloj feste u krijua nga Tony Bruins Slot.
Ndihmësi i Johan Cruyff tregoi pesë gishta në “Camp Nou” pas fitores 5-0 të Barçës ndaj Real Madridit në sezonin 1993/94. /Telegrafi/