Vetëm tri repriza me gjithsej 202 shikues i ka pasur gjatë një viti shfaqja “Njeriu që mungonte” e Teatrit Kombëtar të Kosovës, realizimi i së cilës ka kushtuar mbi 45 mijë euro.
Shfaqja nën regji të Isa Qosjes u dha premierë më 15 shkurt të vitit 2018 dhe gjatë një viti kalendarik – duke llogaritur premierën – nuk është shfaqur hiç më shumë se katër herë.
Mungesa e interesimit dhe gjendja shëndetësore e njërit prej aktorëve të kastës përmenden si arsye për mospërsëritjen e saj në repertorin e Teatrit Kombëtar të Kosovës nga menaxhmenti i këtij institucioni. /Koha Ditore/