Xherdan Shaqiri do të largohet nga Chicago Fire pas dy vitesh e gjysmë. Ylli shqiptar ka paralajmëruar një rikthim të mundshëm në Evropë, ku tashmë është bëri i ditur destinacioni i tij i mundshëm.
Mediumi zviceran Blick ka shkruar se njëra prej klubeve të interesuara për shërbimet e Shaqirit është Panathinaikosi.
Këtë lajm e ka raportuar së fundmi edhe portali grek SDNA, të cilët kanë thënë se drejtuesit e klubit grek janë duke shqyrtuar seriozisht mundësinë e transferimit të Shaqirit.
Ai madje është bërë synimi kryesor i klubit nga Athina për afatin kalimtar veror dhe mbetet të shihet se a do të avancojnë bisedimet mes palëve gjatë ditëve në vijim.
32-vjeçari ishte transferuar në Shtetet e Bashkuara të Amerikës në vitin 2022 pas një aventure me Lyonin në Francë.
Kostoja totale e transferimit të Shaqirit në Amerikë ishte diku rreth shtatë milionë euro ndërsa në 75 paraqitje me fanellën e klubit amerikan ai ka shënuar 16 gola dhe ka bërë 13 asistime.
Kujtojmë se Shaqiri ishte pjesë e Zvicrës për Kampionatin Evropian “Gjermani 2024” madje shënoi një ndër golat më të bukur të kësaj gare në fazën e grupeve ndaj Skocisë./Telegrafi/