Sot nis zyrtarisht sezoni i ri i Peshores, i cili përkon edhe me ekuinoksin e vjeshtës
Këtë vit, një energji e re kozmike do përshkojë të gjitha shenjat, veçanërisht në sektorin e marrëdhënieve sentimentale.
Një këshillë e vogël para se të të tregojmë se si do të ndikojë ky sezon në shenjën tënde: Pavarësisht se ç’shenjë je, qëndro i/e qetë, mos u panikos dhe shmangi dramat.
Që prej datës 18, Dielli ka shkuar në një pozicion pak të vështirë dhe kjo të ka sjellë paksa ankth dhe pasiguri, por shenja e Peshores të rikujton të sillesh mirë dhe ta duash veten.
E dimë që mezi po pret, ndaj le ta marrim vesh se si do të ndikojë ky sezon në shenjën tënde!
Dashi
Marrëdhëniet romantike kërkojnë punë dhe përkushtim, si dhe paksa dinamizëm. Për të arritur këto, duhet të gjesh një balancë mes zemrës dhe mendjes. Kuptoji ndjenjat e tua dhe më pas, shprehi ato, por dëgjo edhe partnerin/en ndërsa të thotë se ç’po përjeton.
Demi
Gjatë kësaj periudhe po shpreson që dita të ketë më shumë orë, në mënyrë që të arrish të përfundosh të gjitha punët që të sjell përditshmëria. Gjithsesi, ne të këshillojmë që të planifikosh ditën dhe t’i kushtosh më shumë kohë personit të zemrës. Dashur padashur, e ke lënë pas dore dhe kjo ka sjellë dhe ca probleme në lidhjen tuaj.
Binjakët
Ç’të mbjellësh do të korrësh, Binjak. Sezoni i Peshores të bën thirrje që t’i trajtosh të tjerët siç do të trajtohesh. Do ta kuptosh me kalimin e kohës se sa e rëndësishme është që të gjesh miq që të ngrohin zemrën dhe kujdesen për ty. Ajo që duhet të bësh, është të sillesh në të njëjtën mënyrë. Ti s’ke kohë për njerëz fals, por as miqtë nuk duan që ti të jesh fals me ta.
Gaforrja
Po përqendrohesh gjithnjë e më shumë në rritjen tënde personale dhe s’ke shprehur interes për të folur për jetën tënde me rrethin tënd të ngushtë. Lejoji veten hapësirën e duhur për t’u zhvilluar edhe më shumë dhe mos lër askënd të ndërpresë evolucionin tënd. Ama, mos harro edhe njerëzit që të kanë qëndruar pranë gjatë gjithë kohës.
Luani
Në të shkuarën kanë ndodhur ca ngjarje dhe situata për të cilat ti s’je aspak krenar. Ndërsa ecën përpara, duhet që të hedhësh një sy në të shkuarën dhe të kuptosh se në cilën pikë rrëshqite dhe pse ndodhi e gjitha, sidomos kur bëhet fjalë për marrëdhëniet sentimentale. Mëso nga përvojat dhe gabimet e tua.
Virgjëresha
Financat e tua kanë qenë totalisht të paqëndrueshme, sidomos gjatë muajve të fundit. Tani, ke një mundësi të artë që të kontribuosh më shumë në kursimet për të ardhmen. Kurse nga pak, që të jesh i/e përgatitur për ditët e vështira.
Peshorja
Është ditëlindja dhe sezoni yt, por do e kesh paksa të vështirë të përqendrohesh te vetja gjatë javëve që do të vijnë, sepse pasiguritë do të të pushtojnë. Gjatë kësaj periudhe, kujdesu që të kesh një qasje më pozitive dhe ta trajtosh veten dhe ata që të rrethojnë me dashuri.
Akrepi
Nuk ke pse të fshehësh personalitetin dhe atë që ti je realisht, që të tjerët të të duan. E vërteta duhet thënë: Ti je një person interesant dhe i jashtëzakonshëm dhe të jesh i/e bindur që personi që të pëlqen, të do për ngjyrat e tua të vërteta.
Shigjetari
Gjatë këtij sezoni, miqtë janë më të rëndësishëm se kurrë. Duhet të lidhesh me ta në mënyra të ndryshme dhe të ndash sekrete me njerëzit më të afërt. Nuk ke kohë dhe as energji për biseda sipërfaqësore dhe pa sens. Ti do të lidhesh me njerëzit në një nivel të ri.
Bricjapi
Karriera jote është më mirë se kurrë dhe mundësi të reja po shpalosen në jetën tënde. Megjithatë, siç të kemi thënë shpesh, mos harro t’i përkushtohesh dhe kalosh kohë me personin e zemrës, si dhe të vendosësh barriera të domosdoshme me njerëzit që thjesht s’e kuptojnë se ku është limiti.
Ujori
Që të kuptosh të tjerët, duhet të zgjerosh horizontet dhe pikëpamjet e tua. Do të gjesh një mençuri që do të të hapë shumë dyer dhe do të të ndihmojë në situata që kërkojnë një zgjidhje të pazakontë. Marrëdhëniet janë në fokusin tënd dhe sezoni i Peshores të këshillon të mos mendosh gjatë, por të shijosh momentin, citon Anabel.
Peshqit
Zbulo fuqinë tënde, besoji intuitës, sepse ndërkohë që flasim, është më e fortë se kurrë. Ti ke aftësinë të shohësh dritën dhe errësirën, ndaj besoji vetes dhe ndjesive të tua. Mos e neglizho kohën cilësore që duhet të kalosh me dikë që pëlqen. Mund të jetë vendimtare për ta çuar raportin një hap më tej. /Telegrafi/