Cindy Crawford duket e mrekullueshme në moshën 57-vjeçare, falë planit të saj të dietës, të cilin e ndjek çdo ditë.
Bukuroshja shpërtheu në skenën e modelingut në vitet ‘e tetëdhjeta, por momentet e saj të paharrueshme të kulturës pop e çimentuan statusin e saj ikonik.
Nuk kishte emra të mëdhenj që ecnin në pasarelë në vitet e nëntëdhjeta, ndërsa asokohe modelja nënshkroi marrëveshje të mira me Pepsi dhe Revlon, duke e çuar e shndërruar tutje në një superyll.
Sot, Cindy gëzon një jetë më të qetë në Malibu të Kalifornisë me familjen e saj, por ende kryen biznese të shumta, si linja e saj e kujdesit të lëkurës Meaningful Beauty dhe Cindy’s Essentials.
Han ushqime me indeks të ulët glikemik
Të gjitha ushqimet që Cindy ha janë me glikemi të ulët. Një dietë me glikemi të ulët është një plan i bazuar në mënyrën se si ushqimet ndikojnë në sheqerin në gjak.
Ushqimet me nivel të ulët glikemik janë ato që kanë një ndikim relativisht të ulët në nivelet e sheqerit në gjak kur konsumohen. Trupi i tret dhe i përthith më ngadalë, gjë që çon në një çlirim gradual dhe të qëndrueshëm të glukozës në qarkullimin e gjakut.
Ky çlirim i ngadaltë dhe i qëndrueshëm ndihmon në ruajtjen e niveleve më të qëndrueshme të sheqerit në gjak në krahasim me ushqimet me glikemi të lartë që shkaktojnë rritje dhe rënie të shpejtë të sheqerit në gjak.
Konsumon perime dhe humus
Në planin e saj të vakteve, Crawford rendit humusin dhe perimet si një opsion rostiçerie. Perimet me humus janë padyshim një rostiçeri e shëndetshme kur hahen me moderim.
Perimet ju ofrojnë sasi të mëdha të fibrave, mineraleve, vitaminave dhe lëndëve të tjera ushqyese. Janë gjithashtu të ulëta në kalori.
Humusi është bërë nga qiqrat, të cilat ofrojnë një sasi të mirë proteinash. Së bashku, humusi dhe perimet përbëjnë një meze të lehtë të shëndetshme.
Pi ujë me limon
Para se të bëni ndonjë gjë, pini një gotë ujë të ngrohtë me gjysmë limoni të shtrydhur, i cili ka shumë përfitime shëndetësore.
Limoni është shumë i pasur me vitaminë C, e cila është e shkëlqyer për të forcuar sistemin tuaj imunitar. Duke pirë ujë me limon, merrni sasi të mira të vitaminës C duke qëndruar të hidratuar. Përveç kësaj, mund të ketë një efekt qetësues në stomak.
Preferon bajamet
Një tjetër rostiçeri e preferuar e Cindyt janë bajamet me limon. Bajamet janë të pasura me fibra, yndyra të shëndetshme dhe proteina, të gjitha këto të nevojshme për shëndetin tonë.
Yndyrat e shëndetshme janë të mira për të reduktuar kolesterolin e keq në trupin tonë dhe për ta përmirësuar shëndetin e zemrës. Sasia e lartë e fibrave është e shkëlqyer për të optimizuar tretjen dhe zbrazjen e duhur të zorrëve.
Së fundmi, ka një sasi të mirë proteinash në bajame që janë të mrekullueshme për mbështetjen e muskujve të dobët dhe ngopjes.
Han shumë sallatë
Plani i vaktit përfshin disa sallata të ndryshme. Konsumimi i sallatave është i shkëlqyeshëm për marrjen e një sërë vitaminash, mineralesh, yndyrash të shëndetshme dhe fibrash, ndërkohë që merrni pak kalori.
Kjo do t’i sigurojë trupit tuaj shumë lëndë ushqyese që i nevojiten për të funksionuar dhe do të ndihmojë në lëvizjen e traktit tretës. Kjo është e mrekullueshme për ta ruajtur shëndetit dhe për ta mbajtur figurën e hollë trupore. /Telegrafi/