Samsung Galaxy S III tashmë ka filluar të shitet në 28 shtetet e Evropës dhe vendet tjera të Lindjës së Mesme, ndërsa risia që Samsung do të sjell në pesë nga këto vende është shërbimi Music Hub, i cili është një shërbim i ngjashëm më iTunes të Apple.
Përkatësisht, Music Hub do të jetë në dispozicion për vendet e mëdha të Evropës si Britania, Franca, Gjermania, Italia dhe Spanja, ndërsa Samsung thotë se shërbimi i saj i muzikës tashmë ka një katalog me 19 milionë këngë.
Sipas firmës së hulumtimeve, Strategy Analytics, në tre muajt e parë të këtij viti Samsung për të parën herë e ka tejkaluar kompaninë Apple.
Kompania me bazë në Korenë e Jugut, ka arritur të shesë 44.5 milionë telefona të mençur mobil për periudhën janar-mars, krahasuar me Apple e cila ka shitur 35.1 milionë iPhone, për të njëjtën periudhë. / Telegrafi /