Andres Iniesta (40) njoftoi të hënën se po i thotë lamtumirë futbollit aktiv.
Legjenda e Barcelonës dhe e kombëtares spanjolle mori mesazhe nga legjenda të shumta me këtë rast dhe atyre iu bashkua edhe Luka Modric, i cili i shkroi me një foto së bashku: “Urime për karrierën tuaj, ishte një kënaqësi. Suksese në periudha e re të jetës”.
Iniesta iu përgjigj: “Faleminderit shumë mjeshtër!”.
Është e qartë se Modric dhe Iniesta kanë vite që luftojnë në mes të fushës në ndeshjet e El Clasico. Modric mbërriti te Reali në vitin 2012, ndërsa Iniesta qëndroi në Barcelonë deri në vitin 2018.
Muchas gracias, crack!🙏🏼 https://t.co/41xZtFa5l3
— Andrés Iniesta (@andresiniesta8) October 9, 2024
Të dy janë ndër mesfushorët më të mirë të kësaj gjenerate, ndaj edhe futbolldashësit në komente janë të kënaqur me ndërveprimin e tyre.
Pas largimit nga Barcelona, Iniesta luajti në Azi. Ai luajti për japonezin Vissel Kobe për pesë vite, ndërsa sezonin e fundit të karrierës e kaloi në Emiratet e Emirateve të Bashkuara Arabe.
Ai luajti për kombëtaren spanjolle nga viti 2006 deri në vitin 2018 dhe me të ishte kampion bote dhe dy herë i Evropës. /Telegrafi/