Nga: Abdyl Bunjaku (“Zëri i rinisë”, 08 qershor 1968)
Është koha për intervenime.
Përndryshe shumë nxënës do të përsërisin klasën. Dhe duhet gjetur mikun, mikun e mikut, dajën, dajën e dajës ose dikë tjetër për të intervenuar.
Përherë ndodhë kështu. Përherë shumë nxënës po kalojnë klasën vetëm e vetëm duke iu falënderuar një pune të pandershme: Intervenimeve!
Dëgjova se Rexhep Hoxhës, ish profesor i Shkollës Normale në Prishtinë, iu paska lutur dikush për një notë për dikë.
– A të kam shty të vjedhësh ndonjë gjë për mua? – E pyet Rexhep Hoxha.
– Jo! – përgjigjet ai që kishte intervenuar.
– Atëherë mos më shty as ti mua.