Qytetarë nga Kamenica kanë paraqitur ankesat e tyre për dëmtimë rrugore në disa pjesë të qytetit.
Përmes platformës ndreqe.com, ata kanë theksuar se gropat në rrugë përveç që po i dëmtojnë veturat, por shkaktojnë edhe rrezik për banorët.
“Ju lutemi komunës që ta mbyllin gropën në rrugë pasi që po pengon shumë komunikacionin rrugor, ku gjthashtu po i dëmton edhe veturat”, ka shkruar një qytetar.
Një ankesë të njejtë e ka adresuar edhe një qytetar për një gropë në rrugë në një fshat të Kamenicës.
“Gropë në Rr. Nëntori i Parë në fshatin Muçivërc, Kamenicë”, ka shkruar ai.
Platforma ndreqe.com vazhdon të shërbejë si një kanal i rëndësishëm për qytetarët që të raportojnë probleme në zona publike, të cilat shpesh përbëjnë rrezik për sigurinë e tyre./Telegrafi/