KRU ‘Hidrodrini’ Sh.A., Njësia Operative Klinë, ka nisur javën me punime investive dhe intervenime teknike në disa zona të qytetit dhe rrethinës.
Gjatë dy ditëve të para të javës, ekipet e ujësjellësit kanë realizuar ri-kyçjen e konsumatorëve të banesave prapa qendrës tregtare “PreMarket” në gypin e ri, duke siguruar furnizim të rregullt me ujë për banorët.
Ndërkohë, ekipet e sektorit të kanalizimit kanë ndërhyrë për sanimin e rrjedhjeve në puseta në Shtupel, në oborrin e Shkollës së Mesme “Luigj Gurakuqi”. Një tjetër grup është angazhuar në debllokimin e kanalizimit në qendër të qytetit dhe në fshatin Poterq, për të shmangur problemet e grumbullimit të ujërave të zeza./Telegrafi/
