Pse pasagjerëve u kërkohet të ngrenë roletat e dritareve gjatë fluturimit – arsyeja do t’ju shokojë

Edhe pse një vend pranë dritares shpesh shihet si zgjedhja më e përshtatshme gjatë një fluturimi, pasagjerëve që ndodhen aty u bëhet një kërkesë specifike nga ekuipazhi – dhe ajo lidhet drejtpërdrejt me sigurinë e tyre dhe të të gjithë pasagjerëve.

Për këtë arsye, personave të verbër zakonisht nuk u lejohet të ulen pranë dritares.

Ndërsa mund të ketë përparësi rezervimi i një vendi specifik paraprakisht, shumica e njerëzve duan të kursejnë para dhe thjesht të ulen aty ku u drejtohen, që zakonisht do të thotë në vendet e mesme, mirëpo një pjesë e tyre duan të ulen nga dritarja për të shijuar pamjen.

Por ajo ulëse e çmuar pranë dritares mund të mos jetë aq e dëshirueshme kur e kuptoni arsyen pse asistentët e fluturimit ju kërkojnë gjithmonë të ngrini perdet gjatë ngritjes dhe uljes së aeroplanit.

Ndonëse disa sjellje në aeroplan mund të duken thjesht të pakëndshme ose të pazakonta - si duartrokitjet pas uljes ose heqja e këpucëve dhe çorapeve - arsyeja pse kërkohet ngritja e perdes së dritares është në të vërtetë shumë më serioze dhe ka të bëjë me sigurinë e pasagjerëve.

Asistentja e fluturimit Cher , e cila poston video udhëtimesh në TikTok, shpjegoi saktësisht pse ky rregull universal është i rëndësishëm.

"Ka disa linja ajrore amerikane që ende e kërkojnë këtë. Ato ju kërkojnë të ngrini perdet e dritares kur aeroplani është duke ecur në pistë, duke u ngritur dhe ulur. Nëse ju është dashur ndonjëherë ta bëni këtë dhe pyesni veten pse, thjesht shikoni të gjitha lajmet për pjesët e aeroplanit që bien ose motorët që digjen. Kur mendoni se ku ulen asistentët dhe pilotët, ata nuk kanë një pamje të qartë të krahëve. Ne nuk mund ta shohim të gjithë aeroplanin nga vendet tona. Linjat ajrore që ju kërkojnë të ngrini perdet e dritares duan të jenë të sigurta që nëse diçka bie, digjet ose dëmtohet, pasagjeri e sheh atë dhe menjëherë njofton ekuipazhin", shpjegon Cher.

Të gjithë duan të ndihen të sigurt dhe të relaksuar gjatë një fluturimi, por është e qartë se sa e rëndësishme është të kesh një pasqyrë të përgjithshme të kushteve të jashtme gjatë një fluturimi.

Një tjetër anëtare e ekuipazhit të kabinës, Kira , konfirmoi se stafi nuk dëshiron t'i irritojë pasagjerët me kërkesat e tyre, por përkundrazi dëshiron të marrë parasysh sigurinë.