Nëse jeni vegan apo vegjetarian dhe keni pyetur veten nëse macja juaj mund të jetë gjithashtu – përgjigjja është jo. Macet duhet të kenë mish në vaktet e tyre në mënyrë që të jenë të shëndetshme.
Dietat vegjetariane dhe ato vegane janë gjithnjë e më popullore. Njerëzit që zgjedhin këto shtigje besojnë – në mënyrë të arsyeshme – se ato janë më të shëndetshme, më njerëzore dhe më të qëndrueshme.
Ata që zgjedhin këtë mënyrë jetese, shpesh dëshirojnë të zbatojnë të njëjtat parime për macet e tyre. Sidoqoftë, këto dieta nuk janë të përshtatshme për macet, sepse ato janë “mishngrënëse të detyrueshme”.
Me fjalë të tjera, nevojat komplekse ushqyese te një mace thjesht nuk mund të përmbushen nga një dietë që nuk ka produkte shtazore.
Dietat vegane dhe ato vegjetariane kanë shumë karbohidrate për macet
Dietat me bazë bimore janë të pasura me karbohidrate; shpesh, më shumë se 50 për qind të kalorive të tyre vijnë nga karbohidratet.
Të gjitha karbohidratet (përveç fibrave) përfundimisht kthehen në glukozë; dhe karbohidratet e përpunuara e bëjnë këtë shumë shpejt.
Kjo shkakton lëkundje të panatyrshme të mëdha në glukozën në gjak të një mace, e cila nga ana tjetër çon në rezistencë ndaj insulinës.
Macet kanë kërkesa më të larta për proteina sesa kafshët e tjera
Ndërsa qentë, njerëzit dhe të gjithë të tjerët përdorin me lehtësi karbohidrate, proteina ose yndyrë, metabolizmi i maces përdor proteinën për energji, si dhe për strukturimin e indeve dhe prodhimin e hormoneve dhe molekulave të tjera jetësore.
Kjo është arsyeja pse kërkesat për proteina të një mace janë më të larta se ato të kafshëve të tjera. /Telegrafi/